اسلام آباد – 15 آگسٽ (اي پي پي) پاڪستان تحريڪ انصاف جي اڳواڻ ۽ قومي اسيمبلي ميمبر شاهه محمود قريشي چيو آهي ته پارليامينٽ جي تقدس جي لاءِ اسان کي جمهوري روين کي هٿي وٺرائڻي پوندي، خورشيد شاهه جو ٿورو ادا ڪريون ٿا جنهن نتيجا فراخدلي سان قبول ڪيا. قومي اسيمبلي جي اجلاس ۾ خيالن جو اظهار ڪندي شاهه محمود قريشي چيو ته اپوزيشن جي گڏيل اجلاس ۾ ڏاهپ سان پيپلزپارٽي جي قيادت قائل ڪيو ته پارليامينٽ جي اندر ڪردار ادا ڪريون.
