اسلام آباد – پهرين آگسٽ (اي پي پي) برطانوي هاءِ ڪمشنر ٿامس ڊريو پاڪستان تحريڪ انصاف جي چيئرمين عمران خان سان بني گالا ۾ ملاقات ڪئي ۽ چونڊن ۾ ڪاميابي تي دلي مبارڪباد ڏني ۽ نئين حڪومت جي لاءِ نيڪ خواهشن جو اظهار ڪيو. پاڪستان تحريڪ انصاف جي مرڪزي ميڊيا ڊپارٽمينٽ پاران جاري بيان موجب برطانوي هاءِ ڪمشنر ٿامس ڊريو چيو ته تحريڪ انصاف جي چيئرمين جي خطاب برطانيا ۾ انتهائي مثبت اثر ڇڏيا آهن، برطانوي حڪومت پاڪستان ۾ تحريڪ انصاف جي حڪومت سان مڪمل تعاون لاءِ تيار آهي.
