اسلام آباد – 31 جولاءِ (اي پي پي) اطلاعات، نشريات، قومي تاريخ ۽ ادبي ورثي واري وفاقي وزير بئريسٽر سيد علي ظفر سان اٽلي جي سفير اسٽافانو پونٽڪورو ملاقات ڪئي جنهن ۾ وفاقي وزير چيو آهي ته پاڪستان ۽ اٽلي جا ٻطرفا لاڳاپا انتهائي مضبوط، گهرا ۽ مختلف شعبن ۾ گڏيل مفادن تي ٻڌل آهن. هن ثقافت ۽ معلومات جي شعبي ۾ لاڳاپا وڌائڻ جي ضرورت تي زور ڏنو ۽ چيو ته ثقافتي مٽاسٽا ۽ ٻنهي ملڪن جي عوام ۾ رابطا وڌائڻ سان هڪ ٻئي جي قدرن کي سمجهڻ ۾ مدد ملي ٿي.
