اسلام آباد – 31 جولاءِ (اي پي پي) قومي خابرو اداري ايسوسيئٽيڊ پريس آف پاڪستان (اي پي پي) جي مينيجنگ ڊائريڪٽر سينئر تجزيه نگار مسعود ملڪ چيو آهي ته چونڊون هڪ اهڙو وڏو جمهوري عمل آهي جنهن ۾ پوري قوم ڀرپور حصو وٺندي آهي ۽ سياسي پارٽين جي موجوده ڊڪ ڊوڙ به سياسي عمل جو هڪ حصو آهي. پاڪستان ٽيلي ويزن جي پروگرام ”چوٿون ٿنڀ“ ۾ خيالن جو اظهار ڪندي هن چيو ته سمورين سياسي پارٽين ۽ انهن جي قيادت جي لاءِ اهم ۽ ضروري ڳالهه اها ئي هجڻ گهرجي ته اسان کي ملڪي مسئلن کي ڪيئن حل ڪرڻو آهي انهن حالتن مان ڪيئن ٻاهر نڪرڻو آهي.
