اسلام آباد – 26 اپريل (اي پي پي) اطلاعات، نشريات، قومي تاريخ ۽ ادبي ورثي واري مملڪتي وزير مريم اورنگزيب چيو آهي ته تعليمي ادارن ۾ ثقافت، قومي ورثي، زبان جي واڌويجهه لاءِ تسلسل سان نصابي ۽ هم نصابي سرگرميون منعقد ٿيڻ گهرجن، قومي زبان جو ثقافت سان گهرو تعلق آهي، نئين نسل کي اردو زبان جي فروغ، قومي ورثي سان ڳنڍڻ جي لاءِ هر سطح تي ڪوششن جي ضرورت آهي.. هو نجي اسڪول سسٽم جي 30 هين سالگرهه جي موقعي تي تقريب کي خطاب ڪري رهي هئي. مملڪتي وزير مريم اورنگزيب نجي اسڪول سسٽم جي 30 هين سالگرهه تي اسڪول جي منتظمين کي مبارڪباد ڏيندي چيو ته روٽس اسڪول جا مختلف پروگرام آهن پر هڪ عورت جنهن جو ويزن اڄ هڪ ڦلدار وڻ جي حيثيت اختيار ڪري چڪو آهي اها عورت مس مشتاق آهي، سندس ويزن تحت اڄ هي اسڪول سسٽم معياري تعليم، هم نصابي سرگرمين، اسپورٽس، ڪلچرل ۽ ثقافت جي ميدان ۾ به سڀ کان اڳتي آهي.
