اسلام آباد – 24 اپريل (اي پي پي) اطلاعات، نشريات، قومي تاريخ ۽ ادبي ورثي واري مملڪتي وزير مريم اورنگزيب چيو آهي ته موجوده حڪومت صحت تائين مفت ۽ آسان پهچ فراهم ڪرڻ جي لاءِ بي مثال وزيراعظم قومي صحت پروگرام متعارف ڪرايو آهي جيڪو اڳوڻي وزيراعظم محمد نواز شريف جو ويزن آهي. هو هيومن ڊولپمينٽ فائونڊيشن (ايڇ ڊي ايف) ۽ سن سيڪريٽريٽ جي حصيداري سان ماءُ ۽ ٻار جي صحت جي حوالي سان اميد کان اڳتي جي عنوان سان آگاهي مهم کي خطاب ڪري رهي هئي.
