اسلام آباد – 13 اپريل (اي پي پي) وزيراعظم شاهد خاقان عباسي چيو آهي ته حڪومت عوام کي صحت جي سهولتن جي فراهمي لاءِ پرعزم آهي ۽ پوليو، ٽي بي جي خاتمي سميت عوامي صحت بابت جاري پروگرامن جي لاءِ سمورا ضروري وسيلا فراهم ڪري رهي آهي، محدود دستياب وسيلن جي باوجود تعليم، عوامي صحت ۽ سماجي ترقي حڪومت جي اولين ترجيحون آهن. هن اها ڳالهه صحت واري وزارت ۽ صحت جي عالمي اداري جي اهتمام هيٺ صحت جي عالمي ڏهاڙي جي حوالي سان ٿيندڙ تقريب کي خطاب ڪندي چئي.
