پاڪستان جي اهم ريٽنگز هاڻي مستحڪم آئوٽ لڪ سان وسيع تر بي ڪيٽيگري ۾ واپس اچي وئي آهي: خرم شهزاد

اسلام آباد – 25 آڪٽوبر (اي پي پي) ناڻي واري وفاقي وزير جي صلاحڪار خرم شهزاد  چيو آهي، ته پاڪستان جي اهم ريٽنگز هاڻي مستحڪم آئوٽ لڪ سان وسيع تر بي ڪيٽيگري ۾ واپس اچي وئي آهي، ميڪرو  اڪنامڪ استحڪام جي بحالي جا وسيع ترقي مقصد اهڙيون حالتون پيدا ڪرڻ آهي جنهن ۾ ڪاروبار وڌيڪ سيڙپڪاري ڪري سگهي،  روانگي واپار ڪندڙ مقابلو ڪري سگهن، گهراڻا ماليات تائين پهچ حاصل ڪري سگهن ۽ نجي سيڙپ پيداواري ترقي کي فنڊ ڏئي سگهي. گذريل ڏينهن شايع ٿيل پنهنجي هڪ مضمون ۾ خرم شهزاد چيو ته ورلڊ بئنڪ ۽ آءِ ايم ايف جي بنڪاڪ ۾ منعقد سالياني اجلاس جي موقعي تي فچ، موڊيز ۽ ايس اينڊ پي سان اسان جون ڳالهيون مختلف اهم معاملن تي رهيون. هن چيو ته  آءِ ايف سي ۽ ٻين ڀائيوارن سان اسان کاڻين، معدنيات، زراعت، ڪولڊ چينز، هائوسنگ، ايس ايما يز، فارما سيوٽيڪل، پاڻي ۽ بجلي جي بنيادي ڍانچي ۾ نجي شعبي جي سيڙپڪاري بابت ڳالهيون ڪيون. ٻه طرفه ڀائيواري  جي حوالي سان هن چيو ته اهم معدنيات ۽ هوا بازي کان وٺي، واپار، ٽيڪنالاجي، توانائي ۽ غذائي تحفظ تائين جا موقعا موجود آهن. هن لکيو آهي ته اسان جو پيغام سادو ۽ واضح هو ته پاڪستان امداد کان واپار ۽ سيڙپڪاري  طرف وڌڻ چاهي ٿو. گڏيل قومن جي ڊپٽي سيڪريٽري جنرل آمنه جي محمد سان اسان جي مصروفياتن ۾ تازي آمريڪا ۽ ايران بحران دوران پاڪستان جي ٽياڪڙي جي ڪوششن کي خاص طور ساراهيو ويو. علائقائي، امن ۽ ان جا معاشي نتيجا به ٻئين ڀائيوارن سان ڳالهين ۾ نمايان رهيا. پاڪستاني وفد جو بنڪاڪ جي دوري جي هڪ ٻي اهم وجه ها به هئي ته پاڪستان گروپ-24 جو ايندڙ چيئرمين آهي ڇاڪاڻ ته  گروپ-24  ذريعي ترقي پذير ۽ اڀرندڙ مارڪيٽن جون معيشتون عالمي مالياتي ۽ ترقياتي معاملن تي پنهنجي پوزيشن کي مربوط ڪن ٿيون.  هن ٻڌايو ته بنڪاڪ جي دوري دوران پاڪستان کي 2027ع لاءِ ورلڊ بئنڪ گروپ ۽ آءِ ايم ايف جي بورڊ آف گورنرز  لاءِ چيئرمين طور تي باضابطا نامزد ڪيو ويو آهي جنهن ۾ اقتصادي معاملن وارو وفاقي وزير   ۽ پاڪستان جي ورلڊ بئنڪ گروپ جي گرونر احد خان چيمه کي ان عهدي تي خدمتون انجام  ڏيڻ لاءِ نامزد ڪيو ويو آهي. هن چيو ته پاڪستان جي حوالي سان عالمي رد عمل ۾ بهتري آئي آهي، سيڙپڪار وڌيڪ گهري دلچسپي وٺي رهيا آهن.