سڄي ملڪ ۾ سون جي اگهه ۾ 7 هزار روپين جي گهٽتائي رڪارڊ

اسلام آباد- 23 آڪٽوبر (اي پي پي)سڄي ملڪ ۾ سون جي اگهه ۾ 7 هزار روپين جي گهٽتائي کانپوءِ في تولو سون 4 لک 24 هزار 536 روپيا ٿي ويو. آل پاڪستان جيمز اينڊ جيولرز ايسوسيئيشن موجب جمعي ڏينهن سون جي في تولو جي اگهه ۾ 7 هزار روپين جي گهٽتائي کانپوءِ في تولو سون 4 لک 24 هزار 536 روپيا ٿي ويو. 24 قيراط سون جي 10 گرام جي قيمت به 6 هزار 100 روپين جي گهٽتائي کانپوءِ 3 لک 69 هزار 772 روپين کان گهٽجي 3 لک 63 هزار 971 روپيا ٿي وئي، جڏهن ته 10 گرام 22 قيراط سون جي قيمت 3 لک 39 هزار 153 روپين کان گهٽجي 3 لک 33 هزار 652 روپيا ٿي وئي، آل سنڌ صرافه جيولرز ايسوسيئيشن رپورٽ ڪيو آهي ته چاندي جي في تولو جي قيمت 221 روپين جي گهٽتائي سان 5 هزار 865 روپيا ٿي وئي.