اسلام آباد- 19 آڪٽوبر (اي پي پي) قومي صحت واري وفاقي وزير سيد مصطفيٰ ڪمال چيو آهي ته صحت واري وزارت ذهني صحت جي شعبي کي مضبوط بڻائڻ لاءِ اثرائتي قدمن کي يقيني بڻائي رهي آهي، صحت واري وزارت تازو ئي ٻن ڏينهن واري ذهني صحت ڪانفرنس ڪاميابي سان منعقد ڪئي، جنهن ۾ سڄي دنيا مان ماهرن ۽ نمائندن شرڪت ڪئي. اهڙن خيالن جو اظهار هن سينٽر فار امپيڪٽ ڏکڻ …
صحت واري وزارت ذهني صحت جي شعبي کي مضبوط بڻائڻ لاءِ اثرائتي قدمن کي يقيني بڻائي رهي آهي: مصطفيٰ ڪمال
مزید خبریں
اسلام آباد- 19 آڪٽوبر (اي پي پي) قومي صحت واري وفاقي وزير سيد مصطفيٰ ڪمال چيو آهي ته صحت واري وزارت ذهني صحت جي شعبي کي مضبوط بڻائڻ لاءِ اثرائتي قدمن کي يقيني بڻائي رهي آهي، صحت واري وزارت تازو ئي ٻن ڏينهن واري ذهني صحت ڪانفرنس ڪاميابي سان منعقد ڪئي، جنهن ۾ سڄي دنيا مان ماهرن ۽ نمائندن شرڪت ڪئي. اهڙن خيالن جو اظهار هن سينٽر فار امپيڪٽ ڏکڻ ايشيا جي ڊائريڪٽر ڊاڪٽر ڪامران صديقي سان ملاقات ۾ ڪيو. ملاقات دوران اسلام آباد ۾ ذهني صحت جي سهولتن کي مضبوط ڪرڻ، بنيادي صحت جي مرڪزن ۾ اسڪريننگ ۽ صلاح مشوري جون سهولتون فراهم ڪرڻ لاءِ قدمن تي غور ڪيو ويو. ان موقعي تي مصطفيٰ ڪمال چيو ته ذهني صحت جي سهولتن کي مربوط ۽ اثرائتو بڻائڻ لاءِ هڪ جامع منصوبو تيار ڪيو وڃي. هن هدايت ڪئي ته ذهني صحت ۽ طرز زندگي جي دوائن کي نرسنگ جي تعليم ۽ تربيت جو حصو بڻايو وڃي ته جيئن نرسنگ جي شعبي ۾ انهن اهم موضوعن سان لاڳاپيل آگاهي ۽ صلاحيتن کي هٿي ڏئي سگهجي. وفاقي وزير چيو ته ان سلسلي ۾ ڊاڪٽر عثمان، ڊاڪٽر صفي مَلڪ ۽ ٻين سڀني لاڳاپيل اسٽيڪ هولڊرز سان مشاورت ڪئي وڃي ته جيئن هڪ قابل عمل حڪمت عملي تيار ڪري سگهجي. هن ان عزم جو اظهار ڪيو ته صحت واري وزارت بنيادي سطح تي ذهني صحت جي سهولتن کي موثر بڻائڻ ۽ شهرين جي اسڪريننگ ۽ مشاورت تائين پهچ کي يقيني بڻائڻ لاءِ پرعزم آهي. مصطفيٰ ڪمال وڌيڪ چيو ته نرسنگ جي شعبي ۾ ذهني صحت جي تعليم ۽ تربيت کي هٿي ڏيڻ تي خاص ڌيان ڏنو ويندو ته جيئن بنيادي صحت مرڪزن تي بهتر ذهني صحت جي بهتر سهولتن جي فراهمي ممڪن بڻائي سگهجي.
