پاناما ۾  جي 6.3 شدت جو زلزلي جا لوڏا محسوس ڪيا ويا

پاناما سٽي -13 آڪٽوبر (اي پي پي ) آمريڪي ملڪ پاناما ۾ ريڪٽر اسڪيل تي 6.3 جي شدت جو زلزلو رڪارڊ ڪيو ويو جڏهن ته فوري طور تي ڪنهن به جاني نقصان يا گهرن کي پهتل نقصان جو اطلاع ناهي مليو. پرڏيهي ميڊيا موجب يونيورسٽي آف پاناما جي انسٽيٽيوٽ آف جيو سائنسز جي شروعاتي رپورٽ ۾ ٻڌايوويو آهي ته زلزلي جو مرڪز اولهندي صوبي ويرا گواس ۾ سونا شهر کان 32 ڪلوميٽرن جي ڏکڻ اولهه ۾ هيو جڏهن ته ان جي اونهائي 10 ڪلو ميٽر ريڪارڊ ڪئي وئي. اختيارين پاران صورتحال جو وڌيڪ جائزو ورتو پيو وڃي.