ڪڻڪ جي قيمت صوبن سان مشاورت سان مقرر ڪئي ويندي: وزيراعظم محمد شهباز شريف

اسلام آباد – 13 آڪٽوبر (اي پي پي) وزيراعظم محمد شهباز شريف آبادگارن کي گهٽ لاڳت تي ڀاڻ، معياري ٻج، جديد مشينري ۽ پاڻي جي بهتر استعمال جي لاءِ اوزارن ۽ ٽيڪنيڪي صلاحيتن جي فراهمي اولين ترجيح قرار ڏيندي چيو آهي ته وفاقي حڪومت صوبن کي زراعت جي ترقي جي لاءِ هر قسم جو تعاون فراهم ڪندي، ڪڻڪ وڏي مقدار ۾ موجود، ذخيره اندوزي ڪندڙن کي ڪنهن به قسم جي رعايت نه ڏني ويندي، صوبن سان مشاورت مڪمل ڪري جلد ڪڻڪ جي قيمت جو اعلان ڪيو ويندو. اڱاري ڏينهن وزيراعظم آفيس جي ميڊيا ونگ پاران جاري بيان موجب وزيراعظم محمد شهباز شريف جي صدارت ۾ قومي زرعي ۽ غذائي تحفظ ڪائونسل جو پهريون اجلاس منعقد ٿيو. ان موقعي تي ڳالهائيندي وزيراعظم محمد شهباز شريف چيو ته زراعت ملڪي معيشت جي ڪرنگهي جي هڏي جي حيثيت رکي ٿي، زراعت پاڪستان جي معيشت کي گهٽ مدي ۾ ترقي جي راهه تي گامزن ڪرڻ جي صلاحيت رکي ٿي. هن چيو ته پنجاب جي وزيراعلى آبادگارن جي ترقي، ايڪو ڪلچر، شرمپ فارمنگ ۽ آبادگار ڪارڊ جي ذريعي آبادگارن کي سڌوسنئون سبسڊي فراهم ڪرڻ جهڙن بهتر قدم کڻي رهي آهي، سنڌ جو وڏو وزير آبادگارن جي ترقي ۽ انهن کي سهولت فراهم ڪرڻ جي لاءِ ڏينهن رات محنت ڪري رهيو آهي. وزيراعظم چيو ته لائيو اسٽاڪ جو شعبو به ملڪي روانگي واپار وڌائڻ جي وسيع صلاحيت رکي ٿو، پاڪستاني حلال گوشت جي برآمدات ۾ اضافي جي لاءِ قدم کڻي رهيا آهيون. وزيراعظم چيو ته وفاقي حڪومت صوبن کي زراعت جي ترقي جي لاءِ هر قسم جو تعاون فراهم ڪندي، آبادگارن کي گهٽ لاڳت تي ڀاڻ، معياري ٻج، جديد مشينري ۽ پاڻي جي بهتر استعمال جي لاءِ اوزارن ۽ ٽيڪنيڪي صلاحيتن جي فراهمي اولين ترجيح قرار آهي، آبادگارن خاص طور تي ننڍي ۽ وچولي درجي جي آبادگارن کي انهن جي فصل جي صحيح قيمت فراهم ڪرڻ ترجيح آهي. هن چيو ته ملڪي ضرورتن کي پورو ڪرڻ جي لاءِ ڪڻڪ وڏي مقدار ۾ موجود آهي، ڪڻڪ جي ذخيره اندوزي ڪندڙن کي ڪنهن به قسم جي رعايت نه ڏني ويندي، ڪڻڪ جي بوائي کان اڳ ان جي صحيح قيمت جو تعين ضروري آهي ته جيئن آبادگارن کي انهن جي محنت جو مناسب معاوضو ملي، چاهيون ٿا ته آبادگارن کي ڪڻڪ جي صحيح قيمت ۽ صارف کي سستي ڪڻڪ ملي. هن چيو ته ڪڻڪ جي قيمت جي حوالي سان فيصلو صوبن جي مشاورت سان ڪيو ويندو، صوبن سان مشاورت مڪمل ڪري جلد ڪڻڪ جي قيمت جو اعلان ڪيو ويندو. اجلاس ۾ پنجاب جي وزيراعلى ۽ سنڌ جي خوراڪ واري وزير پنجاب ۽ سنڌ ۾ آبادگارن جي ترقي جي لاءِ صوبائي حڪومتن جي قدمن تي روشني وڌي. اجلاس ۾ بلوچستان، خيبرپختونخواهه، آزاد ڄمون ۽ ڪشمير ۽ گلگت بلتستان ۾ زراعت جي ترقي جي لاءِ قدمن تي پڻ بريفنگ ڏني وئي. اجلاس ۾ نائب وزيراعظم ۽ پرڏيهي وزير سينيٽر محمد اسحاق ڊار، وفاقي وزيرن راڻا تنوير حسين، ڊاڪٽر مصدق ملڪ، ڄام ڪمال خان، احد خان چيما، احسن اقبال، عطاءُ الله تارڙ، خالد حسين مگسي، ميان معين وٽو، صلاحڪارن راڻا ثناءُ الله، هارون اختر، پنجاب جي وزيراعلى مريم نواز شريف، سنڌ جي زراعت واري وزير مخدوم محبوب الزمان ۽ لاڳاپيل اعلى عملدارن شرڪت ڪئي.