سعودي گهرو  وزير سان آمريڪي ناظم الامور جي ملاقات، گڏيل دلچسپي وارن معاملن تي خيالن جي ڏي وٺ

 رياض-08 آڪٽوبر (اي پي پي) سعودي عرب جي گهرو وزير شهزاده عبدالعزيز بن سعود بن نايف سان آمريڪي سفارتخاني جي ناظم الامور جينيفر لارسن رياض ۾ وزارت جي هيڊ ڪوارٽر ۾ ملاقات ڪئي، جنهن ۾ گڏيل دلچسپي جي معاملن تي خيالن جي ڏي وٺ ڪئي وئي. پرڏيهي ميڊيا موجب ان موقعي تي نائب گهرو وزير ڊاڪٽر هشام بن عبدالرحمان الفالح، گهرو وزارت جو سيڪيورٽي معاملن بابت انڊر سيڪريٽري عبدالله بن فهد الفارس ۽ ٻيا عهديدار به موجود هيا.