ايندڙ 24 ڪلاڪن دوران ملڪ جي اڪثر علائقن ۾ موسم خشڪ ۽ ميداني علائقن ۾ ڏينهن دوران گرم رهندي: موسميات کاتو

اسلام آباد-28 سيپٽمبر (اي پي پي) موسميات کاتي اڳڪٿي ڪئي آهي ته ايندڙ 24 ڪلاڪن دوران ملڪ جي اڪثر علائقن ۾ موسم خشڪ، جڏهن ته ميداني علائقن ۾ ڏينهن دوران گرم رهندي، جڏهن ته مٿانهين اترئين علائقن ۾ موسم جزوي جهڙالي رهڻ جو امڪان آهي. موسميات کاتي مطابق گذريل 24 ڪلاڪن دوران اسلام آباد، مٿانهين/ وچولي پنجاب، خيبر پختونخوا ۽ ڪشمير ۾ ڪٿي ڪٿي آنڌاري ۽ گجگوڙ سان برسات پئي. ملڪ جي ٻين علائقن ۾ موسم خشڪ رهي. سومر ڏينهن رڪارڊ ڪيل وڌ ۾ وڌ گرمي پد تربت 43 ۽ سبي ۾ 40 ڊگري سينٽي گريڊ رڪارڊ ڪيو ويو.