لاڙڪاڻو پوليس جون سماجي برائين خلاف ڪارروايو جاري، 12 ڄڻا گرفتار

لاڙڪاڻو- 22 سيپٽمبر (اي پي پي) لاڙڪاڻو پوليس جون سماجي برائين خلاف ڪارروايون جاري آهن. پوليس ترجمان موجب علي گوهر آباد ٿاڻي جي حد گاهه پڙي واري علائقي ۾ جوئا جي اڏي تي ڇاپو هڻي  12 جوارين کي گرفتار ڪري روڪ رقم ۽ تاس جا پتا ھٿ ڪري ڪيس داخل ڪيو ويو. گرفتار جوارين ۾ ذوالفقار، عثمان، اسد ۽ منصور سميت ٻيا شامل آهن. گرفتار ٿيلن وٽان 19200 رپيا روڪ رقم ۽ 104 تاس جا پتا پڻ ھٿ ڪيا ويا. گرفتار ٿيلن جو ڪرمنل رڪارڊ چيڪ ڪرڻ سميت وڌيڪ قانوني ۽ ضابطي جون ڪارروايون جاري آهن.