نائب وزيراعظم ۽ پرڏيهي وزير سينيٽر محمد اسحاق ڊار سان شام جي پرڏيهي وزير اسد حسين الشيباني جي ملاقات

اسلام آباد- 20 آگسٽ (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار سان خميس ڏينهن هتي پرڏيهي آفيس ۾ شام جي پرڏيهي وزير اسد حسين الشيباني ملاقات ڪئي. پرڏيهي آفيس موجب خوشگوار ۽ تعميري ملاقات دوران ٻنهي پاران پاڪستان ۽ شام جي وچ ۾ گهري ۽ پراڻي ڀائراڻي لاڳاپن کي اڳتي وڌائڻ جو ورجاءُ ڪيو ويو، جڏهن ته گڏيل دلچسپي جي شعبن ۾ ٻطرفي تعاون کي وڌيڪ فروغ ڏيڻ جي طريقن تي خيالن جي ڏي وٺ ڪئي وئي. ٻنهي اڳواڻن علائقائي صورتحال تي پڻ تفصيلي ڳالهه ٻولهه ڪئي.