انٽرنيشنل رائيس ڪانفرنس ۾ شرڪت لاءِ درخواستون 28 آگسٽ تائين جمع ڪرائي سگهجن ٿيون: ٽي ڊي اي پي

اسلام آباد- 11 آگسٽ (اي پي پي) ٽريڊ ڊولپمينٽ اٿارٽي پاڪستان (ٽي ڊي اي پي) چيو آهي ته منيلا ۾ منعقد ٿيندڙ عالمي واپاري نمائش انٽرنيشنل رائيس ڪانفرنس ۾ شرڪت لاءِ 28 آگسٽ تائين درخواستون جمع ڪرائي سگهجن ٿيون. ٽي ڊي اي پي مطابق نمائش فلپائن جي شهر منيلا ۾ 7 کان 9 آڪٽوبر تائين جاري رهندي، جنهن ۾ چانور ۽ ان جي مصنوعات سان واڳيل ماڻهو پنهنجي مصنوعات عالمي خريدارن آڏو پيش ڪرڻ سان گڏوگڏ پنهنجا ڪاروباري معاملا طئي ڪري سگهندا. نمائش جي حوالي سان وڌيڪ تفصيل اٿارٽي جي ويب سائيٽ تان حاصل ڪري سگهجن ٿا.