اسلام آباد- 11 آگسٽ (اي پي پي) پارلياماني معاملن واري وفاقي وزير ڊاڪٽر طارق فضل چوڌري چيو آهي ته پي ٽي آءِ جو احتجاج ڪيستائين سندن واحد ايجنڊا رهندو، احتجاج سياسي حق آهي، پر ڀڃ ڊاهه ۽ ملڪيتن جي تباهي ان جو حصو ناهي، روڊ بند ڪرڻ ۽ عام شهرين کي يرغمال بڻائڻ جمهوري حق نٿو ٿي سگهي. اڱاري ڏينهن ”ايڪس“ تي پنهنجي هڪ بيان ۾ هن چيو ته هر …
پي ٽي آءِ جو احتجاج ڪيستائين سندن واحد ايجنڊا رهندو، هر مسئلي جو جواب روڊن تي احتجاج جي صورت ۾ ڏيڻ سياسي ناڪامي جو اعتراف آهي: طارق فضل چوڌري
مزید خبریں
اسلام آباد- 11 آگسٽ (اي پي پي) پارلياماني معاملن واري وفاقي وزير ڊاڪٽر طارق فضل چوڌري چيو آهي ته پي ٽي آءِ جو احتجاج ڪيستائين سندن واحد ايجنڊا رهندو، احتجاج سياسي حق آهي، پر ڀڃ ڊاهه ۽ ملڪيتن جي تباهي ان جو حصو ناهي، روڊ بند ڪرڻ ۽ عام شهرين کي يرغمال بڻائڻ جمهوري حق نٿو ٿي سگهي. اڱاري ڏينهن ”ايڪس“ تي پنهنجي هڪ بيان ۾ هن چيو ته هر مسئلي جو جواب روڊن تي احتجاج جي صورت ۾ ڏيڻ سياسي ناڪامي جو اعتراف آهي. عوام جي واقعي نمائندگي جو دعويٰ آهي ته روڊ بند ڪرڻ بجاءِ ووٽرن وچ ۾ وڃي. عوام جو درد آهي ته روڊن تي اچڻ بجاءِ سندن مسئلا حل ڪيا وڃن، ملڻ واري مينڊيٽ کي انتشار بجاءِ ڪارڪردگي ۾ تبديل ڪيو وڃي، عوام ووٽ خدمت ۽ نمائندگي لاءِ ڏنو آهي، ملڪ کي مفلوج ڪرڻ لاءِ ناهي، پاڪستان کي احتجاجي سياست نه پر ترقي، روزگار ۽ سيڙپڪاري جي ضرورت آهي، ملڪ کي هن وقت تعليم، صحت ۽ امن جي سخت ضرورت آهي. رياستي ملڪيت کي باهيون ڏيڻ ۽ عوام کي ڏکيائين ۾ وجهڻ سياست نه آهي. هن چيو ته احتجاج آئيني حق آهي پر پاڪستان جي امن کي باهه ڏيڻ جي اجازت ڪنهن کي ناهي. پي ٽي آءِ سياست ڪري پر ڏڦيڙ پکيڙي، عوام جي خدمت ڪري اذيت نه ڏئي.
