ريلوي واري وفاقي وزير پاران خيبرپختونخوا ۾ 10 خوراجين کي مارڻ تي سيڪيورٽي فورسز کي خراج تحسين پيش

اسلام آباد- 07 آگسٽ (اي پي پي) ريلوي واري وفاقي وزير محمد حنيف عباسي خيبرپختونخوا ۾ 10 خوراجين کي مارڻ تي سيڪيورٽي فورسز کي خراج تحسين پيش ڪيو آهي. جمعي ڏينهن پنهنجي هڪ بيان ۾ هن چيو ته دهشتگردي جي ناسور جي مڪمل خاتمي تائين فورسز جا آپريشنز جاري رهندا. هن چيو ته پاڪستان جي بهادر فوج ملڪ ۾ امن ۽ استحڪام جي قيام لاءِ رات ڏينهن مصروف عمل آهي ۽ پوري قوم پنهنجي جوانن جي جرئت، بهادري ۽ پيشيوراڻي صلاحيتن تي فخر ڪري ٿي. هن واضع ڪيو ته فتنه الخوراج ۽ سندن سهولتڪارن خلاف ڪاروائيون آخري دهشتگردي جي خاتمي تائين پوري قوت سان جاري رهنديون.