عراق ۾ عالمي واپاري نمائش ۾ شرڪت لاءِ درخواستون 20 جولاءِ تائين طلب

اسلام آباد- 06 جولاءِ (اي پي پي) ٽريڊ ڊولپمينٽ اٿارٽي آف پاڪستان (ٽي ڊي اي پي) چيو آهي ته عراق ۾ 28 آڪٽوبر کان منعقد ٿيندڙ نمائش هيلٿ ايڪسپو عراق ۾ شرڪت لاءِ 20 جولاءِ تائين درخواستون جمع ڪرائي سگهجن ٿيون. ٽي ڊي اي پي مطابق نمائش عراق ۾ 28 کان 31 آڪٽوبر تائين جاري رهندي جنهن ۾ پاڪستان جي مقامي فارماسيوٽيڪل، نيوٽريشن اينڊ سپليمينٽ، ويڪسين، هاسپيٽل، ليباريٽري ۽ سرجري جي اوزارن سان لاڳاپيل ماڻهو ۽ ادارا پنهنجون مصنوعات عالمي خريدارن آڏو پيش ڪرڻ سان گڏو گڏ پنهنجا واپاري معاملا طئي ڪري سگهندا. نمائش جي حوالي سان وڌيڪ تفصيل اٿارٽي جي ويب سائيٽ تان به حاصل ڪري سگهجي ٿي.