نائب وزيراعظم ۽ پرڏيهي وزير سينيٽر محمد اسحاق ڊار کي ترڪيه جي پرڏيهي وزير هاڪان فيدان جي ٽيليفون، آمريڪا ۽ ايران تاريخي معاهدي تي ٿيندڙ صحيحن تي مبارڪباد

اسلام آباد – 18 جون (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار کي ترڪيه جي پرڏيهي وزير هاڪان فيدان ٽيليفون ڪري کيس آمريڪا ۽ ايران جي وچ ۾ تاريخي معاهدي تي ٿيندڙ صحيحن تي مبارڪباد ڏني. پرڏيهي آفيس موجب ترڪيه جي پرڏيهي وزير آمريڪا ۽ ايران جي وچ ۾ اسلام آباد مفاهمتي يادداشت تي صحيحن تي پاڪستان کي مبارڪباد ڏني جنهن جي پاڪستان ثالث طور توثيق ڪئي آهي. ٻنهي اڳواڻن ان اميد جو اظهار ڪيو ته اها اهم اڳڀرائي خطي ۽ ان کان ٻاهر پائيدار امن، استحڪام ۽ ترقي جي فروغ ۾ مددگار ثابت ٿيندي.