اسلام آباد- 15 جون (اي پي پي) اطلاعات ۽ نشريات واري وفاقي پارلياماني سيڪريٽري بئريسٽر دانيال چوڌري چيو آهي ته آمريڪا ۽ ايران جي وچ ۾ امن معاهدي جي لاءِ پاڪستان جو اهم ڪردار ۽ ان تاريخي تقريب جي ميزباني عالمي سطح تي پاڪستان جي وڌندڙ وقار، سفارتي ساک ۽ عالمي اعتماد جو واضح ثبُوت آهي. پنهنجي بيان ۾ بئريسٽر دانيال چوڌري چيو ته ايران ۽ آمريڪا جي وچ ۾ …
ايران ۽ آمريڪا جي وچ ۾ طئي ٿيندڙ امن معاهدو ڇڪتاڻ تي سفارتڪاري، تڪرار تي ڳالهه ٻولهه ۽ ڇڪتاڻ تي امن جي فتح آهي: بئريسٽر دانيال چوڌري
مزید خبریں
اسلام آباد- 15 جون (اي پي پي) اطلاعات ۽ نشريات واري وفاقي پارلياماني سيڪريٽري بئريسٽر دانيال چوڌري چيو آهي ته آمريڪا ۽ ايران جي وچ ۾ امن معاهدي جي لاءِ پاڪستان جو اهم ڪردار ۽ ان تاريخي تقريب جي ميزباني عالمي سطح تي پاڪستان جي وڌندڙ وقار، سفارتي ساک ۽ عالمي اعتماد جو واضح ثبُوت آهي. پنهنجي بيان ۾ بئريسٽر دانيال چوڌري چيو ته ايران ۽ آمريڪا جي وچ ۾ طئي ٿيندڙ امن معاهدو ڇڪتاڻ تي سفارتڪاري، تڪرار تي ڳالهه ٻولهه ۽ ڇڪتاڻ تي امن جي فتح آهي. هن چيو ته وزيراعظم محمد شهباز شريف دورانديش قيادت، چيف آف ڊفينس فورسز فيلڊ مارشل سيد عاصم منير جي موثر قومي سلامتي حڪمت عملي، نائب وزيراعظم ۽ پرڏيهي وزير اسحاق ڊار جي سفارتي مهارت ۽ وفاقي گهرو وزير محسن نقوي جي علائقائي رابطاڪاري ان اهم اڳڀرائي کي ممڪن بڻائڻ ۾ اهم ڪردار ادا ڪيو. هن چيو ته پاڪستان پنهنجي متوازن، اصولي ۽ ذميوار پرڏيهي پاليسي تحت ٻنهي ملڪن جي وچ ۾ اعتماد سازي ۽ فاصلا گهٽ ڪرڻ جي لاءِ فعال ڪردار ادا ڪيو جنهن جو اعتراف عالمي برادري پڻ ڪري رهي آهي. هن چيو ته اها ڪاميابي ان ڳالهه جو ثبوت آهي ته پاڪستان نه رڳو خطي پر عالمي سطح تي امن، استحڪام ۽ تعميري ڳالهه ٻولهه جي فروغ ۾ اهم ڪردار ادا ڪري رهيو آهي. بئريسٽر دانيال چوڌري چيو ته ايران ۽ آمريڪا جي قيادت جو پاڪستان جي سفارتي ڪوششن تي اعتماد اصل ۾ ملڪ جي پرڏيهي پاليسي جي ڪاميابي ۽ عالمي برادري ۾ پاڪستان جي مثبت تشخص جو عڪاس آهي. هن چيو ته جنگبندي ۽ ان جي نتيجي ۾ ٿيندڙ امن معاهدو خطي ۾ ڇڪتاڻ جي خاتمي، سلامتي جي صورتحال ۾ بهتري ۽ عالمي اقتصادي استحڪام جي فروغ ۾ مددگار ثابت ٿيندو جڏهن ته توانائي جي عالمي سپلاءِ چينز ۾ بهتري جي ذريعي اسرندڙ ملڪن تي معاشي دٻاءُ ۾ پڻ گهٽتائي ايندي. هن آمريڪا ۽ ايران جي وچ ۾ مستقل جنگبندي ۽ ڇڪتاڻ جي خاتمي جي آجيان ڪندي اميد ظاهر ڪئي ته اها اڳڀرائي پائيدار امن، ترقي ۽ خوشحالي جو بنياد ثابت ٿيندي. هن چيو ته پاڪستان سدائين تڪرارن جي پرامن حل، گڏيل احترام، سفارتڪاري ۽ ڳالهه ٻولهه جو حامي رهيو آهي ۽ تازي اڳڀرائي انهي پاليسي جي ڪاميابي جو عملي مظهر آهي. وفاقي پارلياماني سيڪريٽري چيو ته پاڪستان خطي ۽ دنيا ۾ امن ۽ استحڪام جي فروغ جي لاءِ هر مثبت قدم جي حمايت جاري رکندو. هن سعودي عرب، ترڪيه، مصر ۽ گڏيل عرب امارات سميت دوست ملڪن پاران تحمل، ڳالهه ٻولهه ۽ مفاهمت جي حوصلا افزائي کي پڻ ساراهيو. بئريسٽر دانيال چوڌري چيو ته پاڪستان پاران ان تاريخي امن معاهدي جي تقريب جي ميزباني عالمي برادري جي اعتماد جو اظهار آهي ۽ پوري قوم ان اهم سفارتي ڪاميابي تي مبارڪباد جي مستحق آهي. هن چيو ته اهو معاهدو دنيا کي واضح پيغام ڏي ٿو ته پاڪستان امن، استحڪام، اتحاد ۽ اميد جي علامت آهي ۽ مستقبل ۾ عالمي امن ۽ سلامتي جي فروغ جي لاءِ پنهنجو تعميري ڪردار ادا ڪندو رهندو.
