اسلام آباد- 10 جون (اي پي پي) قومي صحت واري وفاقي وزير سيد مصطفيٰ ڪمال چيو آهي ته ڪيترن ئي سالن کان بند صحت سهولت پروگرام کي وفاقي گاديءَ واري حڪومت ۾ ٻيهر شروع ڪيو ويو ته جيئن عوام کي معياري ۽ مفت علاج جي سهولت فراهم ڪري سگهجي. اهڙو اظهار هن اڪبر نيازي ٽيچنگ اسپتال جي دؤري جي موقعي تي ڪيو. هن چيو ته وفاق جي آبادي 35 لک …
ڪيترن ئي سالن کان بند صحت سهولت پروگرام کي وفاقي گاديءَ واري حڪومت ۾ ٻيهر شروع ڪيو ويو ته جيئن عوام کي معياري ۽ مفت علاج جي سهولت فراهم ڪري سگهجي: سيد مصطفيٰ ڪمال
مزید خبریں
اسلام آباد- 10 جون (اي پي پي) قومي صحت واري وفاقي وزير سيد مصطفيٰ ڪمال چيو آهي ته ڪيترن ئي سالن کان بند صحت سهولت پروگرام کي وفاقي گاديءَ واري حڪومت ۾ ٻيهر شروع ڪيو ويو ته جيئن عوام کي معياري ۽ مفت علاج جي سهولت فراهم ڪري سگهجي. اهڙو اظهار هن اڪبر نيازي ٽيچنگ اسپتال جي دؤري جي موقعي تي ڪيو. هن چيو ته وفاق جي آبادي 35 لک کان وڌي چڪي آهي، جڏهن ته اسلام آباد جي اسپتالن ۾ آزاد ڪشمير، گلگت بلتستان، راولپنڊي ۽ ٻين ڀرپاسي وارن علائقن مان وڏي انگ ۾ مريض علاج لاءِ ايندا آهن. اهو ئي سبب آهي ته سرڪاري اسپتالن ۾ مريضن جي رش بابت شڪايتون ملن ٿيون، جڏهن ته نجي اسپتالن تي به دٻاءُ وڌي رهيو آهي. وفاقي وزير، وزيراعظم جو ٿورو ادا ڪندي چيو ته هن عوامي مفاد ۾ حڪومت جي تجويز کي قبول ڪيو جنهن جي نتيجي ۾ ڪيترن ئي سالن کان بند صحت سهولت پروگرام کي ٻيهر فعال ڪيو پيو وڃي. هن ٻُڌايو ته جاڙن شهرن جي 42 اسپتالن ۾ صحت سهولت پروگرام جي شروعات ڪئي وئي آهي، جتي مستحق مريضن کي مفت علاج جي سهولت فراهم ڪئي پئي وڃي. هي پروگرام اسلام آباد جي حدن ۾ لاڳو هوندو. وفاقي وزير چيو ته ڊبليو ايڇ او جي هڪ رپورٽ موجب هڪ ڪروڙ 30 لک ماڻهو غربت جي لڪير کان هيٺ زندگي گذاري رهيا آهن جڏهن ته 2 ارب گذريل پنجن مهينن دوران مريضن جي علاج تي خرچ ٿي چڪا آهن. هن چيو ته پروگرام تحت سموري ڄاڻ ۽ خرچن جو ريئل ٽائم ڊيٽا جمع ڪيو پيو وڃي ۽ ڪنهن به قسم جي بي ضابطگي يا خاميءَ کي برداشت نه ڪيو ويندو. وفاقي وزير چيو ته وفاق ۽ صوبن جو مجموعي صحت بجيٽ 1156 ارب رپيا آهي، پر ان باوجود مريضن جي اطمينان جي شرح 10 سيڪڙو کان وڌيڪ آهي. هن ٻُڌايو ته يونيورسل هيلٿ ڪوريج جي حوالي سان هڪ جامع مطالعو ڪرايو ويو آهي، جنهن موجب اٽڪل 210 ارب رپين جي وسيلن سان صحت جون بنيادي سهولتون فراهم ڪري سگهجن ٿيون، جڏهن ته ان مقصد لاءِ سڄي ملڪ ۾ اٽڪل 5 هزار نوان اسپتال گهربل آهن. هن واضح ڪيو ته جيڪڏهن ڪا اسپتال پروگرام تحت مقرر قاعدن ۽ ضابطن جي ڀڃڪڙي ڪندي يا بدعنوانيءَ ۾ ملوث ملي ته ان کي فوري طور تي پروگرام مان ڊي لسٽ ڪيو ويندو. هن ان عزم جو اظهار ڪيو ته حڪومت صحت جي شعبي ۾ سڌارن، شفافيت ۽ عوام کي معياري طبي سهولتن جي فراهمي لاءِ سمورا امڪاني قدم جاري رکندي.
