صدر آصف علي زرداري پاران مظفرآباد ويجهو پاڪ فوج جي ايم آءِ 17 هيليڪاپٽر جي حادثي تي افسوس جو اظهار

اسلام آباد – 10 جون (اي پي پي) صدر آصف علي زرداري مظفرآباد ويجهو پاڪ فوج جي ايم آءِ 17 هيليڪاپٽر جي حادثي تي گهري ڏک ۽ افسوس جو اظهار ڪيو آهي. ايوان صدر جي پريس ونگ موجب صدر حادثي ۾ اهلڪارن جي شهادت تي گهرڀاتين سان دلي تعزيت ۽ همدرديءَ جو اظهار ڪيو. هن چيو ته قوم شهيدن جي عظيم قرباني کي خراج عقيدت پيش ڪري ٿي ۽ گهرڀاتين جي ڏک ۾ برابر جي شريڪ آهي. صدر دعا ڪئي ته الله تعالى شهيدن جا درجا بلند فرمائي ۽ پونئيرن کي صبر جميل عطا فرمائي.