اسلام آباد - 09 جون (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار صوماليه جي پرڏيهي وزير عبدالسلام علي سان ٽيليفونڪ رابطو ڪيو جنهن ۾ ايم ٽي آنر 25 تي سوار پاڪستاني يرغمالين جي آزادي جي لاءِ جاري ڪوششن تي خيالن جي ڏي وٺ ڪئي وئي. پاڪستان اپريل 2026ع ۾ صوماليه جي سمنڊ ويجهو جهاز جي اغوا کانپوءِ صومالي عملدارن سان مسلسل رابطي ۾ آهي. پرڏيهي …
نائب وزيراعظم ۽ پرڏيهي وزير سينيٽر محمد اسحاق ڊار پاران صوماليه جي پرڏيهي وزير عبدالسلام علي سان ٽيليفونڪ رابطو
مزید خبریں
اسلام آباد – 09 جون (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار صوماليه جي پرڏيهي وزير عبدالسلام علي سان ٽيليفونڪ رابطو ڪيو جنهن ۾ ايم ٽي آنر 25 تي سوار پاڪستاني يرغمالين جي آزادي جي لاءِ جاري ڪوششن تي خيالن جي ڏي وٺ ڪئي وئي. پاڪستان اپريل 2026ع ۾ صوماليه جي سمنڊ ويجهو جهاز جي اغوا کانپوءِ صومالي عملدارن سان مسلسل رابطي ۾ آهي. پرڏيهي آفيس پاران جاري بيان موجب نائب وزيراعظم ۽ پرڏيهي وزير صورتحال تي پاڪستان جي گهري ڳڻتي جو اظهار ڪندي يرغمالين جي خيريت، انهن جي جلد کان جلد آزادي ۽ محفوظ وطن واپسي جي اهميت تي زور ڏنو. صومالي پرڏيهي وزير عبدالسلام علي خاطري ڪرائي ته سندن حڪومت يرغمالين جي جلد کان جلد آزادي جي لاءِ مخلصاڻي ۽ مسلسل ڪوششون جاري رکيون آهن. ٻنهي اڳواڻن ان معاملي جي حل تائين ويجهو رابطو ۽ گڏيل تعاون برقرار رکڻ تي اتفاق ڪيو. ٻنهي پرڏيهي وزيرن پاڪستان ۽ صوماليه جي وچ ۾ ٻطرفي لاڳاپن ۾ مثبت اڳڀرائي تي اطمينان جو اظهار پڻ ڪيو. صومالي پرڏيهي وزير خطي ۾ پاڪستان جي تعميري ثالثي ۽ سفارتي ڪوششن کي ساراهيو.
