حج 2026ع تحت، هن سال هڪ لک 79 هزار 210 پاڪستانين حج ادا ڪيو، هڪ لک 19 هزار 210 سرڪاري اسڪيم تحت حج ڪيو

اسلام آباد- 08 جون (اي پي پي) حج 2026ع تحت، هن سال هڪ لک 79 هزار 210 پاڪستانين حج ادا ڪيو، جن مان هڪ لک 19 هزار 210 سرڪاري اسڪيم تحت حج ڪيو جڏهن ته 60 هزار نجي اسڪيم تحت حج ڪيو. مذهبي معاملن واري وزارت موجب، پاڪستانين هن سال سرڪاري اسڪيم تحت حج تي هڪ لک 139 ارب 16 ڪروڙ خرچ ڪيا. ڊگهي حج پروگرام تحت، حاجين ڪل 89 ارب 40 ڪروڙ روپيا خرچ ڪيا، جڏهن ته مختصر حج ادا ڪرڻ وارن حاجين جا خرچ لڳ ڀڳ 49 ارب 76 ڪروڙ رپيا هئا. 77 هزار 443 حاجين ڊگهي حج پروگرام چونڊيو، جيڪو 40 کان 45 ڏينهن تائين هليو. سرڪاري حج اسڪيم تحت 65.2 سيڪڙو حاجين ڊگهي حج پروگرام تحت حج ڪيو. ڊگهي حج پروگرام جي هر حاجي ڪل 11 لک 50 هزار رپيا ادا ڪيا. 41 هزار 467 حاجين 20-22 ڏينهن جي مختصر حج پروگرام تحت حج ڪيو. سرڪاري اسڪيم تحت 34.8 سيڪڙو حاجين مختصر حج پروگرام چونڊيو. هن پروگرام تحت، في حاجي 12 لک رپيا ادا ڪيا، مختصر حج ڪرڻ وارن حاجين جو خرچ لڳ ڀڳ 49 هزار 76 ڪروڙ رپيا رهيو. 50 هزار 114 عورتن سرڪاري اسڪيم تحت حج ڪيو. سرڪاري حج ڪوٽا ۾ عورت حاجين جي شرح 43.5 سيڪڙو رهي. 65 هزار 182 مردن سرڪاري اسڪيم تحت حج جي سعادت حاصل ڪئي ۽ انهن جي شرح 56.5 سيڪڙو رهي. ڊگهي حج پروگرام جي حاجين پهرين قسط ۾ پنج لک رپيا ۽ ٻئي قسط ۾ ساڍا ڇهه لک رپيا ادا ڪيا، جڏهن ته مختصر حج پروگرام جي حاجين پهرين قسط ۾ ساڍا پنج لک رپيا ۽ ٻئي قسط ۾ ساڍا 6 لک رپيا ادا ڪيا. جن حاجين ٻن بسترن سان الڳ ڪمرو چونڊيو، انهن مان هر ڪنهن اضافي 2 لک رپيا ادا ڪيا، ۽ جن حاجين ٽن بسترن سان الڳ ڪمرو چونڊيو، انهن اضافي 67 هزار روپيا ادا ڪيا.