ڊيرا اسماعيل خان ۾ سيڪيورٽي فورسز پاران ڳجهي اطلاع تي ڪامياب آپريشن، هڪ ڪمانڊر سميت 4 خوارجي مارجي ويا

ڊيرا اسماعيل خان – 16 اپريل(اي پي پي) ڊيرا اسماعيل خان جي تعلقي درابن جي علائقي ڪوٽ لالا موسيٰ زئي ۾ سيڪيورٽي فورسز ڳجهي اطلاع تي ڪامياب آپريشن ڪيو ويو جنهن ۾ هڪ ڪمانڊر سميت 4 خوارجي مارجي ويا آهن.ذريعن مطابق سيڪيورٽي فورسز دهشتگردن جي موجودگي جي اطلاع تي فوري ڪارروائي ڪندي علائقي جو ڪڙو چاڙهي آپريشن ڪيو جنهن دوران شديد فائرنگ جي ڏي وٺ ۾ 4 دهشتگرد مارجي ويا جن ۾ هڪ اهم ڪمانڊر به شامل هو. ذريعن مطابق مارجي ويل 4 دهشتگرد سيڪيورٽي فورسز ۽ پوليس کي سنگين وارداتن ۾ انتهائي گهربل هئا.