اسٽيٽ بئنڪ کي سعودي عرب جي ناڻي واري وزارت پاران 2 ارب ڊالرز ملي ويا

اسلام آباد – 16 اپريل (اي پي پي) اسٽيٽ بئنڪ آف پاڪستان کي سعودي عرب جي ناڻي واري وزارت پاران 2 ارب ڊالرن جي رقم ملي وئي آهي، جنهن جي ويليو ڊيٽ 15 اپريل 2026ع آهي. اسٽيٽ بئنڪ مطابق اهي فنڊز پاڪستان جي مٽا سٽا واري ناڻي جي ذخيرن کي مضبوط بڻائڻ ۽ پرڏيهي ادائيگين جي دٻاءُ کي گهٽائڻ ۾ اهم ڪردار ادا ڪندا. ان اڳڀرائي سان نه رڳو ملڪي معيشت کي استحڪام ملندو پر عالمي مالياتي اداران ۽ سيڙپڪارن جي اعتماد ۾ به اضافو ٿيندو.