سعودي عرب جي پرڏيهي وزير سان اسپين جي هم منصب جو ٽيليفونڪ رابطو، علائقائي ڇڪتاڻ تي خيالن جي ڏي وٺ

رياض-13 مارچ (اي پي پي) سعودي عرب جي پرڏيهي وزير شهزاده فيصل بن فرحان سان اسپين جي پرڏيهي وزير جوز مينويل الباريز ٽيليفونڪ رابطو ڪيو ۽ علائقائي ڇڪتاڻ تي خيالن جي ڏي وٺ ڪئي. پرڏيهي ميڊيا مطابق رابطي دوران خطي ۾ وڌندڙ ڇڪتاڻ ۽ ان کي منهن ڏيڻ لاءِ ڪيل ڪوششن تي خيالن جي ڏي وٺ ڪئي وئي. ان کان علاوه آسٽريليا جي پرڏيهي وزير پيني وونگ سان رابطي ۾ خطي ۾ وڌندڙ ڇڪتاڻ ۽ گڏيل دلچسپي جي معاملن تي ڳالهيون ڪيون ويون.