وزيراعظم محمد شهباز شريف پاران جاپان جي وزيراعظم سانائي تاڪائيچي کي چونڊن ۾ ڪاميابي تي مبارڪباد

اسلام آباد  -09 فيبروري (اي پي پي) وزيراعظم محمد شهباز شريف جاپان جي وزيراعظم سانائي تاڪائيچي کي هيٺئين ايوان جي چونڊن ۾ وڏي اڪثريت سان ڪاميابي تي مبارڪباد ڏني آهي. سماجي رابطي جي ويب سائيٽ ايڪس تي پنهنجي مبارڪباد واري پيغام ۾ وزيراعظم چيو ته پاڪستان جاپان سان پنهنجي بهترين ٻطرفي لاڳاپن کي وڌيڪ مضبوط ۽ اسٽريٽجڪ بڻائڻ جي لاءِ وزيراعظم سانائي تاڪائيچي سان ويجهو تعاون جاري رکڻ جو خواهشمند آهي.