اسلام آباد-09 فيبروري (اي پي پي) ڊسٽرڪٽ اينڊ سيشن ڪورٽ اسلام آباد حقيقي آزادي مارچ بابت ٻن ڪيسن ۾ علي امين گنڊاپور ۽ عمر ايوب کي اشتهاري قرار ڏيندي سندن دائمي گرفتاري وارنٽ جاري ڪري ڇڏيا آهن. جوڊيشل مئجسٽريت مبشر حسن چشتي ٻنهي ڪيسن تي ٻڌڻي ڪئي. عدالتي رڪارڊ موجب علي امين گنڊاپور ۽ عمر ايوب کي ڪيترائي ڀيرا طلب ڪرڻ باوجود هو عدالت ۾ پيش نه ٿيا. گذريل ٻڌڻي …
ڊسٽرڪٽ اينڊ سيشن ڪورٽ اسلام آباد پاران علي امين گنڊاپور ۽ عمر ايوب جا دائمي گرفتاري وارنٽ جاري
مزید خبریں
اسلام آباد-09 فيبروري (اي پي پي) ڊسٽرڪٽ اينڊ سيشن ڪورٽ اسلام آباد حقيقي آزادي مارچ بابت ٻن ڪيسن ۾ علي امين گنڊاپور ۽ عمر ايوب کي اشتهاري قرار ڏيندي سندن دائمي گرفتاري وارنٽ جاري ڪري ڇڏيا آهن. جوڊيشل مئجسٽريت مبشر حسن چشتي ٻنهي ڪيسن تي ٻڌڻي ڪئي. عدالتي رڪارڊ موجب علي امين گنڊاپور ۽ عمر ايوب کي ڪيترائي ڀيرا طلب ڪرڻ باوجود هو عدالت ۾ پيش نه ٿيا. گذريل ٻڌڻي دوران عدالت علي امين گنڊاپور خلاف اشتهاري ڪارروائي شروع ڪرڻ جو حڪم ڏنو هو، جنهن کان پوءِ موجوده ٻڌڻي تي ٻنهي جوابدارن کي اشتهاري قرار ڏنو ويو. عدالت حڪم ڏنو ته جوابدارن جي گرفتاري لاءِ قانوني گهرجن موجب ڪارروائي ڪئي وڃي ۽ کين عدالت سامهون پيش ڪيو وڃي. واضح رهي ته انهن ٻنهي ڪيسن ۾ پاڪستان تحريڪ انصاف جي باني، شاهه محمود قريشي، زرتاج گل سميت ٻيا جوابدار اڳ ئي آزاد ٿي چڪا آهن. گذارش ڪندڙ موجب علي امين گنڊاپور ۽ ٻين خلاف ٿاڻي باره ڪهو ۾ حقيقي آزادي مارچ جي سلسلي ۾ ٻه ڪيس داخل آهن. عدالت ڪيسن جي وڌيڪ ٻڌڻي لاءِ تاريخ مقرر ڪندي اڳڀرائي رپورٽ طلب ڪري ورتي آهي.
