اسلام آباد-05 فيبروري (اي پي پي)قانون، انصاف ۽ انساني حقن واري وفاقي وزير سينيٽر اعظم نذير تارڙ چيو آهي ته اڄ يوم يڪجهتي ڪشمير جي موقعي تي اسان پاڪستان جي ڪشميري عوام سان پختي يڪجهتي جو ورجاءُ ڪريون ٿا ۽ انهن جي آزادي، وقار ۽ انساني حقن لاءِ سندن جائز جدوجهد ۾ مڪمل حمايت جو اعلان ڪريون ٿا. ڪشميري عوام ڏهاڪن کان ظلم ۽ ناانصافي کي منهن ڏئي رهي آهي، …
يوم يڪجهتي ڪشمير تي اسان پاڪستان جي ڪشميري عوام سان پختي يڪجهتي جو ورجاءُ ڪريون ٿا: سينيٽر اعظم نذير تارڙ
مزید خبریں
اسلام آباد-05 فيبروري (اي پي پي)قانون، انصاف ۽ انساني حقن واري وفاقي وزير سينيٽر اعظم نذير تارڙ چيو آهي ته اڄ يوم يڪجهتي ڪشمير جي موقعي تي اسان پاڪستان جي ڪشميري عوام سان پختي يڪجهتي جو ورجاءُ ڪريون ٿا ۽ انهن جي آزادي، وقار ۽ انساني حقن لاءِ سندن جائز جدوجهد ۾ مڪمل حمايت جو اعلان ڪريون ٿا. ڪشميري عوام ڏهاڪن کان ظلم ۽ ناانصافي کي منهن ڏئي رهي آهي، پر سندن حوصلو ۽ عزم اڄ به مضبوط ۽ مستحڪم آهي. 5 فيبروري تي يوم يڪجهتي ڪشمير جي موقعي تي انساني حقن واري وزارت مان جاري پيغام ۾ وفاقي وزير سينيٽر اعظم نذير تارڙ چيو ته ڀارت غير قانوني قبضي هيٺ ڄمون ڪشمير (آءِ آءِ او جي ڪي) ۾ عوام کي بنيادي حقن کان محروم رکيو ويو آهي ۽ اتي وڏي پئماني تي انساني حقن جون سنگين ڀڃڪڙيون جاري آهن، پاڪستان هر عالمي فورم تي سندن آواز بلند ڪرڻ، سندن حالتن کي اجاگر ڪرڻ ۽ هڪ پرامن ۽ منصفاڻي حل لاءِ مستقل ڪوششون ڪري رهيو آهي. هن چيو ته خود اراديت وارو حق هڪ فتح نه ٿيڻ جوڳو بنيادي حق آهي جنهن کي گڏيل قومن ۽ عالمي برادري تسليم ڪيو آهي، ڪو به ظلم ۽ ڏاڍ ڪنهن قوم جي آزادي جي جائز امنگن کي هميشه لاءِ دٻائڻ ۾ ڪامياب نٿو ٿي سگهي. اسان عالمي برادري کان مطالبو ڪريون ٿا ته هو انصاف جي قيام لاءِ پنهنجو موثر ڪردار ادا ڪري ۽ مظلوم ڪشميري عوام جي ڏکن جي خاتمي لاءِ عملي قدم کڻي.اڄ اسان ڪشميري عوام جي قربانين کي خراج تحسين پيش ڪريون ٿا ۽ اهو وچن ڪريون ٿا ته پاڪستان هيشه، هر لمحي ۽ هر مرحلي تي ڪشميري عوام سان گڏ بيٺل رهندو جيستائين سندن حق بحال نٿا ٿين، سندن آواز عالمي سطح تي نٿو ٻڌو وڃي ۽ انصاف قائم نٿو ٿئي.
