لاهور-31 جنوري (اي پي پي) وزيراعظم محمد شهباز شريف چيو آهي ته عوامي خدمت اسان جو مقصد آهي ۽ شفافيت جي فروغ لاءِ جديد ٽيڪنالاجي جو استعمال وقت جي ضرورت آهي، بدعنواني ۽ ميرٽ جي خلاف ورزي جي ڪا به گنجائش ناهي. پنجاب زراعت، فوڊ اينڊ ڊرگ اٿارٽي صحت جي سار سنڀال جي معيار کي بهتر بڻائڻ لاءِ هڪ جديد منصوبو آهي. انهن خيالن جو اظهار هن ڇنڇر ڏينهن پنجاب …
عوامي خدمت اسان جو مقصد آهي، شفافيت جي فروغ لاءِ جديد ٽيڪنالاجي جو استعمال وقت جي ضرورت آهي: وزيراعظم محمد شهباز شريف
مزید خبریں
لاهور-31 جنوري (اي پي پي) وزيراعظم محمد شهباز شريف چيو آهي ته عوامي خدمت اسان جو مقصد آهي ۽ شفافيت جي فروغ لاءِ جديد ٽيڪنالاجي جو استعمال وقت جي ضرورت آهي، بدعنواني ۽ ميرٽ جي خلاف ورزي جي ڪا به گنجائش ناهي. پنجاب زراعت، فوڊ اينڊ ڊرگ اٿارٽي صحت جي سار سنڀال جي معيار کي بهتر بڻائڻ لاءِ هڪ جديد منصوبو آهي. انهن خيالن جو اظهار هن ڇنڇر ڏينهن پنجاب زراعت، فوڊ اينڊ ڊرگ اٿارٽي (پي اي ايف ڊي اي) جي افتتاحي تقريب کي خطاب ڪندي ڪيو. پنجاب جي وزيراعليٰ مريم نواز، اطلاعات ۽ نشريات وارو وفاقي وزير عطاءُ الله تارڙ، قانون وارو وفاقي وزير اعظم نذير تارڙ، وفاقي ۽ صوبائي وزير، اسيمبلي ميمبر ۽ ٻيا پڻ ان موقعي تي موجود هئا. وزيراعظم محمد شهباز شريف چيو ته عوام کي بنيادي سهولتون فراهم ڪرڻ لاءِ سڀئي وسيلا استعمال ڪيا پيا وڃن ۽ ملڪ جي ڪهڙي به ڪنڊ ۾ وڃو، عوامي خدمت جي منصوبن تي مسلم ليگ (ن) جي مهر نظر ايندي. هن چيو ته جهڙي طرح اسان ملڪ کي بحرانن مان ڪڍي ترقي جي راهه تي آندو آهي، اهڙي طرح ملڪ جي هر ڪنڊ ۾ عوامي منصوبن جو ڄار وڇايو پيو وڃي. هن چيو ته پنجاب ايگريڪلچر، فوڊ اينڊ ڊرگ اٿارٽي جو منصوبو عوام جي لاءِ تمام وڏي خدمت آهي، جنهن لاءِ آئُون پنجاب جي وزيراعليٰ مريم نواز ۽ سندس پوري ٽيم کي خراج تحسين پيش ڪريان ٿو. اها عمارت، جيڪا بربادي جي تصوير بڻجي چڪي هئي، اڄ جديد مشينري سان ليس آهي. هن چيو ته کاڌي، زرعي شين ۽ دوائن جي معيار کي بهتر بڻائڻ لاءِ هڪ ريگيوليٽري اداري جو قيام وقت جي ضرورت آهي. خوراڪ جي تحفظ ۽ صفائي جي معيار کي بهتر بڻائڻ لاءِ هي اسٽيٽ آف دي آرٽ منصوبو هڪ اهم قدم آهي. جديد ٽيڪنالاجي سان ليس هن منصوبي لاءِ پنجاب جي وزيراعليٰ مريم نواز جون ڪوششون ساراهه جوڳيون آهن ۽ مون کي اميد آهي ته پنجاب ايگريڪلچر، فوڊ اينڊ ڊرگ اٿارٽي خطي ۾ هڪ بهترين سينٽر آف ايڪسيلينس بڻجندو. اهو رڳو پنجاب نه پر پُوري پاڪستان جي خدمت لاءِ ٺاهيو ويو آهي.
