اسلام آباد- 21 جنوري (اي پي پي) سيڙپڪاري بورڊ واري وفاقي وزير قيصر احمد شيخ چيو آهي ته پاڪستان سياحت جي شعبي ۾ جٽادار، ماحول دوست ۽ سيڙپڪاري لاءِ بهترين موقعا فراهم ڪري رهيو آهي. سيڙپڪاري بورڊ جي انتظام هيٺ سسٽين ايبل ٽوئر ازم فورم اينڊ ايڪسپو 2026ع کي خطاب ڪندي وفاقي وزير چيو ته سياحت ۾ سيڙپڪاري روزگار جا موقعا پيدا ڪرڻ، علائقائي ترقي کي هٿي ڏيڻ ۽ روانگي …
پاڪستان سياحت جي شعبي ۾ جٽادار، ماحول دوست ۽ سيڙپڪاري لاءِ بهترين موقعا فراهم ڪري رهيو آهي: قيصر احمد شيخ
مزید خبریں
اسلام آباد- 21 جنوري (اي پي پي) سيڙپڪاري بورڊ واري وفاقي وزير قيصر احمد شيخ چيو آهي ته پاڪستان سياحت جي شعبي ۾ جٽادار، ماحول دوست ۽ سيڙپڪاري لاءِ بهترين موقعا فراهم ڪري رهيو آهي. سيڙپڪاري بورڊ جي انتظام هيٺ سسٽين ايبل ٽوئر ازم فورم اينڊ ايڪسپو 2026ع کي خطاب ڪندي وفاقي وزير چيو ته سياحت ۾ سيڙپڪاري روزگار جا موقعا پيدا ڪرڻ، علائقائي ترقي کي هٿي ڏيڻ ۽ روانگي واپار ۾ اضافي جو هڪ موثر ذريعو آهي. حڪومت سياحت جي شعبي ۾ ملڪي ۽ پرڏيهي سيڙپڪاري کي راغب ڪرڻ لاءِ جامع پاليسي سڌارڻ تي عمل پيرا آهي ته جئين سيڙپڪارن کي سهولت ۽ تحفظ فراهم ڪري سگهجي. قيصر احمد شيخ چيو ته پاڪستان ۾ ماحول دوست سياحت، حلال ٽوئر ازم ۽ ثقافتي سياحت جي شعبن ۾ عالمي سطح تي حصيداري جا وسيع امڪان موجود آهن، جنهن سان نه صرف معيشت کي فائدو ٿيندو پر پاڪستان جو هاڪاري سڃاڻپ به اجاگر ٿيندي. هن وڌيڪ چيو ته پبلڪ پرائيويٽ پارٽنر شپ ۽ جوائنٽ وينچرز ذريعي سياحت جي شعبي کي نئين جدت ڏني پئي وڃي جنهن سان جديد انفراسٽرڪچر، معياري خدمتن ۽ جٽادار ترقي کي يقيني بڻائي سگهجي ٿو. فورم ۾ اسلامڪ چيمبر آف ڪامرس جي انتظام هيٺ عالمي سيڙپڪارن، ڪاروباري اڳواڻن ۽ نمائندن شرڪت ڪئي، جن، پاڪستان ۾ سيڙپڪاري جي موقعن ۾ گهري دلچسپي جو اظهار ڪيو. وفاقي وزير، ان موقعي تي ان عزم جو ورجاءُ ڪيو ته سيڙپڪاري بورڊ جٽادار سياحت کي هٿي وٺرائڻ ۽ پرڏيهي سيڙپڪاري ۾ اضافي لاءِ ڀرپور ڪردار ادا ڪندو رهندو.
