ملڪي پرڏيهي مٽاسٽا جا ذخيرا 13 ملين ڊالرن جي واڌ کان پوءِ 21.012 ارب ڊالر ٿي ويا

اسلام آباد-01 جنوري (اي پي پي) ملڪي پرڏيهي مٽاسٽا جي ناڻي جا ذخيرا 13 ملين ڊالرن جي واڌ کان پوءِ 21.012 ارب ڊالر ٿي ويا. اسٽيٽ بئنڪ طرفان جاري انگن اکرن موجب 26 ڊسمبر تي ختم ٿيل هفتي ۾ ملڪي پرڏيهي مٽاسٽا جي ناڻي جي ذخيرن جو ڳاڻيٽو 21.012 ارب ڊالر رڪارڊ ڪيو ويو جنهن ۾ اسٽيٽ بئنڪ وٽ ملڪي پرڏيهي مٽاسٽا جي ناڻي جو ڳاڻيٽو 15.915 ارب ڊالر ۽ ڪمرشل بئنڪن ۾ 5.097 ارب ڊالر هئا. مجموعي ناڻي جي ذخيرن جو ڳاڻيٽو 21.012 ارب ڊالر رڪارڊ ڪيو ويو. گذريل هفتي دوران اسٽيٽ بئنڪ جي پرڏيهي مٽاسٽا جي ناڻي جي ذخيرن ۾ 13 ملين ڊالرن جي واڌ ٿي.