اسلام آباد -31 ڊسمبر (اي پي پي) پارلياماني معاملن واري وفاقي وزير ڊاڪٽر طارق فضل چوڌري، ڪي پي ڪي جي سڌ سماءَ واري مشير جون پنجاب جي اطلاعات واري وزير جي حوالي سان ڳالهيون مذمت جوڳيون ۽ شرمناڪ قرار ڏيندي چيو آهي، ته سياسي اختلاف پنهنجي جاءِ تي پر مائرن، ڀينرن، ۽ ڌيئرن جو احترام سکي وٺو. گذريل ڏينهن سماجي رابطن واري ويب سائيٽ تي پنهنجي هڪ پوسٽ ۾ هن …
ڪي پي ڪي جي سڌ سماءَ بابت صلاحڪار جون پنجاب جي سڌ سماءَ واري وزير بابت ڳالهيون مذمت جوڳيون آهن: ڊاڪٽر طارق فضل چوڌري
مزید خبریں
اسلام آباد -31 ڊسمبر (اي پي پي) پارلياماني معاملن واري وفاقي وزير ڊاڪٽر طارق فضل چوڌري، ڪي پي ڪي جي سڌ سماءَ واري مشير جون پنجاب جي اطلاعات واري وزير جي حوالي سان ڳالهيون مذمت جوڳيون ۽ شرمناڪ قرار ڏيندي چيو آهي، ته سياسي اختلاف پنهنجي جاءِ تي پر مائرن، ڀينرن، ۽ ڌيئرن جو احترام سکي وٺو. گذريل ڏينهن سماجي رابطن واري ويب سائيٽ تي پنهنجي هڪ پوسٽ ۾ هن چيو ته بد قسمتي سان اها هڪ صوبي جي سڌ سماءَ واري مشير جي زبان آهي، سندس ليول تائين نه ٿو ڪري سگهان پر اڳ به چيو ۽ هاڻي به چوان ٿو ته سياسي اختلاف ڀلي رکو پر گهٽ ۾ گهٽ مائرن، ڀينرن، ڌيئرن جو احترام ڪرڻ ته سکو. هن چيو ته ڌرڻن کان وٺي اڄ تائين اها ئي بد زباني ۽ اهو ئي گفتگو جو انداز جاري آهي، اهو ڪٿي ته ختم ٿيڻ گهرجي. هن چيو ته شايد ان جو کين ڪٿان حڪم ملندو آهي ۽ پوءِ هو ان جي تعميل ڪن ٿا. صوبائي سڌ سماءَ واري وزير بابت اهي لفظ ۽ ٻولي انتهائي مذمت جوڳي ۽ شرمناڪ آهي.
