قطر ۽ ايران جي پرڏيهي وزيرن پاران غزه ۽ لبنان جي صورتحال تي خيالن جي ڏي وٺ

تهران ، دوحه -31 ڊسمبر (اي پي پي) قطر جي وزيراعظم ۽ پرڏيهي وزير شيخ محمد بن عبدالرحمان بن جاسم آل ثاني کي ايران جي پرڏيهي وزير ڊاڪٽر عباس عراقچي ٽيلفون ڪال آئي. پرڏيهي خابرو اداري مطابق ڳالهين دوران ٻنهي اڳواڻن ٻه طرفن لاڳاپن ۽ انهن کي وڌيڪ مستحڪم ڪرڻ جي طريقن تي خيالن جي ڏي وٺ ڪئي . ان کان علاوه هن غزه پٽي ، والاريل فلسطيني علائقن ۽ لبنان جي صورتحال سميت گڏيل دلچسپي جي ٻين معاملن تي به ڳالهيون ڪيون . ان موقعي تي قطر جي وزيراعظم غزه پٽي ۽ لبنان ۾ جنگ بندي جي معاهدي تي مڪمل عمل درآمد کي  يقيني  بڻائڻ لاءِ علائقائي ۽ عالمي ڪوششن کي گڏجي اهميت تي زور ڀريو . هن اشارو ڪيو ته اهي قدم خطي ۾ پائيدار امن ۽ استحڪام جي راهه کي هموار ڪندا.