اسلام آباد -30 ڊسمبر (اي پي پي) رٿابندي، ترقي ۽ خاص قدمن واري وفاقي وزير پروفيسر احسن اقبال چيو آهي، ته سائبان پاڪستان بين المذاهب هم آهنگي ۽ سماجي يڪجهتي کي هٿي وٺائڻ جو قومي بيانيو آهي، سائبان پاڪستان انتهاپسندي خلاف قومي بيانئي کي مضبوط ڪندو. انهن خيالن جو اظهار هن سائبان پاڪستان جي افتتاحي تقريب کي خطاب ڪندي ڪيو. وفاقي وزير چيو ته 2018ع ۾ پيغام پاڪستان جاري ڪيو …
سائبان پاڪستان بين المذاهب هم آهنگي ۽ سماجي يڪجهتي کي هٿي وٺائڻ جو قومي بيانيو آهي: احسن اقبال
مزید خبریں
اسلام آباد -30 ڊسمبر (اي پي پي) رٿابندي، ترقي ۽ خاص قدمن واري وفاقي وزير پروفيسر احسن اقبال چيو آهي، ته سائبان پاڪستان بين المذاهب هم آهنگي ۽ سماجي يڪجهتي کي هٿي وٺائڻ جو قومي بيانيو آهي، سائبان پاڪستان انتهاپسندي خلاف قومي بيانئي کي مضبوط ڪندو. انهن خيالن جو اظهار هن سائبان پاڪستان جي افتتاحي تقريب کي خطاب ڪندي ڪيو. وفاقي وزير چيو ته 2018ع ۾ پيغام پاڪستان جاري ڪيو ويو، سائبان پاڪستان پيغام پاڪستان جي طرز تي قومي يڪجهتي کي هٿي ڏيندو. هن چيو ته پاڪستان ۾ هر شعبي ۾ اقليتن کي نمائندگي حاصل آهي جڏهن ته اڏام پاڪستان جو هڪ ٿنڀ سماجي هم آهنگي آهي، هن چيو ته نوجوانن ۾ برداشت ۽ بحث کي هٿي وٺائڻ لاءِ سائبان پاڪستان اهم قدم آهي، بين المذاهب بحث تي گڏيل امن جي بقا لاءِ ۽ سماجي استحڪام لاءِ اڻٽر آهي. هن چيو ته پاڪستان جو آئين هر شهري کي مذهبي آزادي فراهم ڪري ٿو، امن ۽ سماجي هم آهنگي کان سواءِ پائيدار ترقي ممڪن ناهي. هن چيو ته اچو قائداعظم جي پاڪستان کي ٻيهر زنده ڪيون جتي مذهبي، اخلاق ڏئي ٿو، جتي سڀئي شهري برابر آهن، هن چيو ته ميثاق مدينه شهريت، مذهبي آزادي، قانون جي حڪمراني، گڏيل احترام جو اولين ماڊل آهي. هن چيو ته اسان کي نفرت وارو نه ڀائيچاري ۽ يڪجهتي وارو پاڪستان بنائڻو آهي.
