نائب وزيراعظم ۽ پرڏيهي وزير سينيٽر محمد اسحاق ڊار جي صدارت ۾ اجلاس

اسلام آباد – 29 ڊسمبر (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار هڪ بريفنگ اجلاس جي صدارت ڪئي جنهن ۾ وزيراعظم محمد شهباز شريف جي ايندڙ دوري جي تيارين جو جائزو ورتو ويو، وزيراعظم 19 کان 23 جنوري 2026ع تائين ڊيووس – ڪلوسترز، سوئٽزرلينڊ ۾ منعقد ٿيندڙ ورلڊ اڪنامڪ فورم (ڊبليو اي ايف) جي 56هين سالياني اجلاس ۾ شرڪت ڪندو. ڪالهه سومر ڏينهن پرڏيهي وزارت پاران جاري بيان موجب اجلاس ۾ پرڏيهي سيڪريٽري ۽ جنيوا ۾ پاڪستان جي مستقل نمائندي سمي سينيئر عملدارن نائب وزيراعظم ۽ پرڏيهي وزير سينيٽر محمد اسحاق ڊار کي تيارين، تجويز ڪيل پروگرامن ۽ ورلڊ اڪنامڪ فورم جي ايجنڊا بابت بريفنگ ڏني. دوري دوران ٻطرفي ملاقاتن جي رخن ۽ وسيع ميڊيا مصروفيتن جي حوايل سان پڻ تفصيلي سان خيالن جي ڏي وٺ ڪئي وئي. نائب وزيراعظم ۽ پرڏيهي وزير هدايت ڪئي ته ايندڙ ملڪي سربراهن، حڪومتي سربراهن ۽ ا قتصادي، ڪاروباري ۽ مالياتي ادارن جي اعليٰ قيادت سان ملاقاتن کي وڌ کان وڌ موثر بڻايو وڃي. هن زور ڏنو ته نجي شعبي جي ڪاروباري ادارن سان تعاون جا موقعا ڳوليا وڃن.