صدر آصف علي زرداري پاران ڊيره اسماعيل خان ۾ خوارج جي خلاف موثر انٽيليجنس بيسڊ آپريشن تي سيڪيورٽي فورسز کي خراج تحسين پيش

اسلام آباد – 25 ڊسمبر (اي پي پي) صدر آصف علي زرداري ڊيره اسماعيل خان جي علائقي ڪلاچي ۾ خوارج جي خلاف موثر انٽيليجنس بيسڊ آپريشن تي سيڪيورٽي فورسز کي خراج تحسين پيش ڪندي چيو آهي ته بيگناهه شهرين ۽ سيڪيورٽي اهلڪارن جي قاتلن کي منطقي انجام تائين پهچائڻ رياست جي اولين ترجيح آهي. ايوان صدر جي پريس ونگ پاران جاري بيان موجب صدر چيو ته ٻاهرئين پٺڀرائي ۾ سرگرم خوارج جي خلاف ڪارروايون عوامي امن جي تحفظ ۽ عوام جي اعتماد جي استحڪام جو سبب آهن.