پاڪستان جو آئين هر شهري کي برابري ۽ تحفظ پڻ فراهم ڪري ٿو: وزيراعظم محمد شهباز شريف

اسلام آباد-16 نومبر (اي پي پي) وزيراعظم محمد شهباز شريف چيو آهي ته پاڪستان جي آئين، ۽ قانونن ۽ انساني حقن جي عالمي ڪنوينشنن جو بنيادي روح، دهشتگردي ۽ انتهاپسندي جي خلاف ۽ صبر ۽ برداشت جو پيغام آهي، صبر ۽ برداشت نه رڳو معاشري خوبصورتي آهي پر اسلامي تعليمات جهڙا آهن، پاڪستان جو آئين هر شهري کي برابري ۽ تحفظ پڻ فراهم ڪري ٿو ۽ اهو هر شهري جو فرض آهي ته بين المذاهب هم آهنگي ۽ هڪ ٻئي سان صبر ۽ برداشت جي قدرن کي فروغ ڏئي. حڪومتي پاليسيُون جوڙڻ وقت سماجي ۽ مذهبي ويڇن کي ختم ڪرڻ ۽ سڀني طبقن خاص طور تي اقلين جي قومي ڌاري ۾ هر ممڪن شموليت حڪومت جي ترجيحن ۾ شامل آهي. وزيراعظم آفيس جي ميڊيا ونگ پاران جاري ڪيل بيان موجب وزيراعظم محمد شهباز شريف 16 نومبر 2025 تي رواداري جي عالمي ڏينهن جي موقعي تي پنهنجي پيغام ۾ چيو ته اڄ رواداري جي عالمي ڏينهن تي پاڪستان عالمي برادري سان هم آواز ٿي انساني ڪردار جي هن خاصيت کي اجاگر ڪري رهيو آهي. هن چيو ته پاڪستان ۽ عالمي برادري همدردي، پرامن گڏيل بقا، تحمل برداشت جي گڏيل انساني خاصيت سان ڳنڍيل آهن. هي ڏينهن انساني ڪردار جي ان ڪردار جي اهميت کي اجاگر ڪري ٿو ته برداشت جي عادت ڪمزوري جي نشاني ناهي پر ڏاهپ، صبر، انسانيت ۽ ڪردار جي بضبُوطي جو مظهر آهي. وزيراعظم چيو ته پاڪستان جي آئين ۽ قانونن ۽ عالمي انساني حقن جي ڪنوينشن جي بنيادي روح، دهشتگردي ۽ انتهاپسندي جي خلاف ۽ صبر ۽ برداشت جو پيغام آهي.