بلومبرگ پاران پاڪستان جي معيشت ۽ سيڙپڪارن جي اعتماد جي بحالي جو اعلان

اسلام آباد -15 نومبر (اي پي پي) عالمي مئگزين بلومبرگ پاڪستان جي معيشت ۽ سيڙپڪارن جي اعتماد جي بحالي جو اعلان ڪري ڇڏيو آهي. عالمي مئگزين موجب پاڪستان جي ڊالر بانڊز جي اگهه ۾ اضافو جاري رهڻ جو امڪان آهي. هلندڙ سال 24.5 سيڪڙو منافعي سان ايشيا ۾ پهرين نمبر تي رهيو. بلومبرگ موجب پاڪستان گذريل 2 سالن جي ڀيٽ ۾ هاڻي عالمي قرض مارڪيٽ ۾ واپسي لاءِ تيار آهي. پاڪستان جو هلندڙ سال يو آن بانڊز ۽ 2026ع ۾ يورو بانڊ مارڪيٽ ۾ واپسي جو منصوبو پڻ تيار آهي، پاڪستاني ڊالر بانڊز جي عالمي مارڪيٽ ۾ واپسي سيڙپڪارن جي اعتماد ۾ اضافو ڪيو آهي. عالمي معاشي ماهرن موجب ايندر 6 کان 12 مهينن وچ ۾ عالمي ريٽنگ ۾ بهتري ۽ عالمي مارڪيٽ تائين پهچ پاڪستان جي معاشي بحالي جي سرگرمين ۾ شامل آهي.