بيجنگ _14 نومبر (اي پي پي) چين جي سائبر اسپيس اختيارين لائيو اسٽريمنگ اي ڪامرس ۾ مصنوعي ذهانت (اي آءِ) سان ٺهيل ڊيپ فيڪس ذريعي مشهور شخصيتن جي نقل ۽ ڪوڙن اشتهارن خلاف ڪريڪ ڊائون جي شروعات ڪري ڇڏي آهي. پرڏيهي ميڊيا سائبر اسپيس ايڊمنسٽريشن آف چين جي حوالي سان ٻڌايو ته ڪيترن ئي آن لائن اڪائونٽس کي نشانو بڻايو ويو آهي، جيڪي لائيو اسٽريمز ۽ مختصر ويڊيوز ۾ مشهور …
چين ۾ اي آءِ سان ٺهندڙ ڊيپ فيڪ ذريعي مشهور شخصيتن جي نقل خلاف ڪريڪ ڊائون
بيجنگ _14 نومبر (اي پي پي) چين جي سائبر اسپيس اختيارين لائيو اسٽريمنگ اي ڪامرس ۾ مصنوعي ذهانت (اي آءِ) سان ٺهيل ڊيپ فيڪس ذريعي مشهور شخصيتن جي نقل ۽ ڪوڙن اشتهارن خلاف ڪريڪ ڊائون جي شروعات ڪري ڇڏي آهي. پرڏيهي ميڊيا سائبر اسپيس ايڊمنسٽريشن آف چين جي حوالي سان ٻڌايو ته ڪيترن ئي آن لائن اڪائونٽس کي نشانو بڻايو ويو آهي، جيڪي لائيو اسٽريمز ۽ مختصر ويڊيوز ۾ مشهور شخصيتن جي جعلي اي آئي شڪلون استعمال ڪندي مصنوعات جي مشهوري ڪري رهيا هئا، جنهن سان صارفين کي گمراهه ڪيو پيو وڃي. اٿارٽي ٻڌايو ته آن لائن پليٽ فارمز کي ڪلين اپ مهم شروع ڪرڻ جي هدايت ڪئي وئي آهي، جنهن جي نتيجي ۾ هن وقت تائين 8،700 کان وڌيڪ هڪجهڙائي نه رکندڙ مواد کي هٽايو ويو آهي، جڏهن ته 11،000 کان وڌيڪ اڪائونٽس خلاف ڪارروائي ڪئي وئي آهي جيڪي ٻين ماڻهن يا مشهور شخصيتن جي نقل ڪري رهيا هئا. سائبر اختيارين چيو آهي ته هو ان رجحان خلاف سخت نگراني جي پاليسي تي عملدرآمد برقرار رکندا ۽ پليٽ فارمز کي ذميوار قرار ڏيندي بدنيتي تي ٻڌل مارڪيٽنگ اڪائونٽس کي وائکو ۽ ختم ڪندا رهندا، ته جيئن هڪ مثبت ۽ محفوظ آن لائن ماحول يقيني بڻايو وڃي.
