نائب وزيراعظم ۽ پرڏيهي وزير سينيٽر محمد اسحاق ڊار جي يو اي اي جي نائب وزيراعظم ۽ پرڏيهي وزير سان ٽيليفون تي ڳالهه ٻولهه

اسلام آباد-24 آڪٽوبر (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار رات دير سان گڏيل عرب امارات جي نائب وزيراعظم ۽ پرڏيهي وزير شيخ عبدالله بن زيد النهيان سان ٽيليفون تي ڳالهه ٻولهه ڪئي. جمعي ڏينهن پرڏيهي آفيس جي بيان موجب ڳالهه ٻولهه دوران ٻنهي اڳواڻن گڏيل دلچسپي جي ٻطرفي ۽ گهڻ طرفي معاملن سان گڏوگڏ تازي علائقائي ۽ عالمي اڳڀرائي تي خيالن جي ڏي وٺ ڪئي ۽ ويجهي رابطي ۾ رهڻ تي اتفاق ڪيو.