حيدرآباد-22 آڪٽوبر (اي پي پي) ڊويزنل ڪمشنر حيدرآباد فياض حسين عباسي اربع ڏينهن سرڪائوسجي جهانگير انسٽيٽيوٽ آف سائڪيٽري اينڊ بيهيوريل سائنسز (مينٽل اسپتال حيدرآباد) جو دورو ڪيو. دوري دوران ڪمشنر حيدرآباد کي ميڊيڪل سپرنٽنڊنٽ ڊاڪٽر نثار سوهو، فوڪل پرسن ايم اينڊ آر ايڊيشنل ايم ايس ڊاڪٽر راجا احسان ۽ بلڊنگ ورڪس اينڊ اسڪيم تحت وارڊ نمبر پنج جي تعمير ۽ درپيش مسئلن بابت تفصيلي بريفنگ ڏني وئي. ڊويزنل ڪمشنر حيدرآباد …
ڊويزنل ڪمشنر حيدرآباد جو سرڪائوسجي جهانگير انسٽيٽيوٽ آف سائڪيٽري اينڊ بيهيوريل سائنسز (مينٽل اسپتال) حيدرآباد جو دورو
حيدرآباد-22 آڪٽوبر (اي پي پي) ڊويزنل ڪمشنر حيدرآباد فياض حسين عباسي اربع ڏينهن سرڪائوسجي جهانگير انسٽيٽيوٽ آف سائڪيٽري اينڊ بيهيوريل سائنسز (مينٽل اسپتال حيدرآباد) جو دورو ڪيو. دوري دوران ڪمشنر حيدرآباد کي ميڊيڪل سپرنٽنڊنٽ ڊاڪٽر نثار سوهو، فوڪل پرسن ايم اينڊ آر ايڊيشنل ايم ايس ڊاڪٽر راجا احسان ۽ بلڊنگ ورڪس اينڊ اسڪيم تحت وارڊ نمبر پنج جي تعمير ۽ درپيش مسئلن بابت تفصيلي بريفنگ ڏني وئي. ڊويزنل ڪمشنر حيدرآباد فارنسڪ سائڪياٽري وارڊ، ذهني ۽ نفسياتي بيمارين لاءِ او پي ڊي بلاڪ، 35 بسترن واري نفسياتي ايمرجنسي يونٽ، فزيڪل ٿراپي يونٽ، ميوزڪل سيڪشن ۽ نفسياتي مريضن لاءِ ٽيڪنيڪل پريڪٽس رومز جو به معائنو ڪيو. ان موقعي تي نفسيات جي ماهرن ۽ ڊاڪٽرن، ڪمشنر کي مريضن جي نفسياتي علاج، صدمي جي بحالي، منشيات جي عادين جي بحالي ۽ ڊگهي عرصي تائين ذهني بيمارين جي علاج ۾ پيش ايندڙ چئلينجن کان آگاهه ڪيو. فياض حسين عباسي مريضن سان ملاقات ڪئي ۽ انهن جي خيريت بابت پڇيو ۽ انهن جي سنڀال ڪندڙن کان دستياب سهولتن، دوائن جي فراهمي ۽ عملي جي رويي بابت ڄاڻ حاصل ڪئي. هن چيو ته مينٽل اسپتال صرف علاج جو مرڪز نه پر هڪ اهڙي جاءِ پڻ آهي جتي ذهني بحالي، اميد ۽ زندگي سان تعلق جو سفر ٻيهر شروع ٿئي ٿو. اسان کي انهن مريضن لاءِ هڪ پر سڪون، احترام وارو ۽ حوصلا افزائي وارو ماحول فراهم ڪرڻو پوندو ته جيئن اهي سماج جو هڪ سرگرم حصو بڻجي سگهن. ترقياتي ڪمن جو جائزو وٺندي ڪمشنر، ورڪس اينڊ سروسز آفيسرن ۽ اسسٽنٽ ڪمشنر لطيف آباد سعود احمد کي هدايت ڪئي ته اي ڊي بي اسڪيم تحت تعمير هيٺ وارڊ ۽ ايم اينڊ آر اسڪيمن تي ڪم جي رفتار کي وڌيڪ تيز ڪيو وڃي ته جيئن سڀئي منصوبا جلد کان جلد مڪمل ٿي سگهن. هن چيو ته ترقياتي اسڪيمن ۾ معيار ۽ رفتار ٻنهي کي يقيني بڻائڻ اسان جي اولين ترجيح آهي. اسپتال ۾ علاج هيٺ مريضن کي بهتر سهولتون فراهم ڪرڻ اسان سڀني جي گڏيل ذميواري آهي، فياض حسين عباسي ايندڙ ٻن هفتن ۾ ٻيهر مينٽل اسپتال جو دورو ڪرڻ ۽ ذاتي طور تي جاري مرمت ۽ تعميراتي ڪمن جو جائزو وٺڻ جو عزم ظاهر ڪيو.
