ربيع الثاني 1447هجري جو چنڊ ڏسڻ لاءِ مرڪزي چنڊ ڏسڻي ڪميٽي جو اجلاس 23 سيپٽمبر تي ٿيندو

اسلام آباد-22 سيپٽمبر (اي پي پي) ربيع الثاني 1447هجري جو چنڊ ڏسڻ لاءِ مرڪزي چنڊ ڏسڻي ڪميٽي جو اجلاس 23 سيپٽمبر اڱاري جي شام مذهبي معاملن واري وزارت ۾ طلب ڪيو ويو آهي، جڏهن ته سڄي ملڪ ۾ زونل ۽ ضلعي چنڊ ڏسڻين ڪميٽين جا اجلاس پنهنجن پنهنجن لاڳاپيل هنڌن تي ٿيندا. جاري ڪيل بيان ۾ مذهبي معاملن واري وزارت جي ترجمان چيو آهي ته چنڊ ڏسڻ جو اعلان مرڪزي چنڊ ڏسڻي ڪميٽي سڄي ملڪ مان ملندڙ شاهدين کي نظر ۾ رکي ڪندي.