سنڌ فوڊ اٿارٽي حيدرآباد جي ٽيم چائنيز لوڻ جا 102 پيڪٽ ضبط ڪيا

حيدرآباد-10 سيپٽمبر (اي پي پي)سنڌ جي وڏي وزير جي خوراڪ بابت خاص معاون عبدالجبار خان ۽ ڊائريڪٽر جنرل سنڌ فوڊ اٿارٽي شهزاد افضل عباسي جي هدايتن تي سنڌ فوڊ اٿارٽي حيدرآباد جي ٽيم، هٽڙي بائي پاس وٽ  ڊپٽي ڊائريڪٽر (آپريشنز) سنڌ فوڊ اٿارٽي فدا حسين کوسو جي اڳواڻي ۾ ​​هٽڙي پوليس اسٽيشن جي ايس ايڇ او سان گڏجي ڇاپو هنيو. ڇاپي دوران، ايم ايس جي (مونوسوڊيم گلوٽاميٽ) جا 102 پيڪٽ، جنهن کي عام طور تي "شوگر لوڻ” سڏيو ويندو آهي، هٿ ڪيا ويا جڏهن ته هڪ ٽرڪ نمبر T-7564 پڻ ضبط ڪئي آهي. آپريشن دوران مليل اسٽاڪ سنڌ فوڊ اٿارٽي جي ضابطن جي خلاف ورزي ۾ اسٽاڪ ڪيو ويو هو ۽ بعد ۾ دڪانن ۾ وڪرو ڪيو ويندو هو. جڏهن سنڌ فوڊ اٿارٽي ٽيم ۽ پوليس موقعي تي پهتي ته ڀڃڪڙي ڪندڙ موقعي تان فرار ٿي ويا. جڏهن ته پوليس جي مدد سان وڌيڪ جاچ شروع ڪئي وئي آهي. ضبط ڪيل شين کي مقرر ڪيل قاعدن ۽ ضابطن موجب وڌيڪ قانوني ڪارروائي لاءِ سنڌ فوڊ اٿارٽي پاران تحويل ۾ ورتو ويو آهي. ان موقعي تي ڊپٽي ڊائريڪٽر فدا حسين کوسو چيو ته سنڌ فوڊ اٿارٽي جي ضابطن جي ڀڃڪڙي ڪندڙن خلاف قانون موجب ڪارروائي جاري رهندي.