ڪراچي-29 آگسٽ (اي پي پي) سنڌ جي گورنر ڪامران خان ٽيسوري پنهنجي پنجن مهينن جي پگهار ٻوڏ متاثرن کي عطيو ڪرڻ جو اعلان ڪيو آهي. گورنر هائوس مان جاري ڪيل پريس رليز موجب هن چيو ته مشڪل جي ان گهڙي ۾ هو هرممڪن طريقي سان متاثرن سان گڏ بيٺل آهي ۽ سڀ دستياب وسيلا ڪتب آڻيندو ته جئين متاثر ماڻهن کي فوري طور تي رليف فراهم ڪري سگهجي. گورنر چيو ته ٻوڏ متاثرن جي امداد لاءِ گورنر هائوس ۾ هڪ خاص سيل قائم ڪيو پيو وڃي،جتي امدادي سامان، خيما ۽ ٻين ضروري شين سان ڀريل ٽرڪون جلد متاثر ضلعن ڏانهن روانيون ڪيون وينديون.جڏهن ته گورنر واپاري برادري ۽ شهرين کي اپيل ڪئي آهي ته هو ٻوڏ متاثرن جي مدد لاءِ پنهنجو پنهنجو ڪردار ادا ڪن.
