اسلام آباد – 28 آگسٽ (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار سان اسپين جي سينيٽ جي ميمبر سينيٽر ويسنٽ ازپيٽارٽي پيريز ملاقات ڪئي. پرڏيهي آفيس پاران جاري بيان موجب ملاقات ۾ پاڪستان ۽ اسپين جي وچ ۾ پارلياماني رابطن کي وڌيڪ مستحڪم ڪرڻ ۽ سياسي، معاشي ۽ ثقافتي شعبن ۾ تعاون وڌائڻ بابت خيالن جي ڏي وٺ ڪئي وئي. نائب وزيراعظم ۽ پرڏيهي وزير سينيٽر محمد اسحاق ڊار سينيٽر پيريز جي پارلياماني لاڳاپن جي فروغ جي لاءِ ڪوششن کي ساراهيو. ان موقعي تي سينيٽر پيريز نائب وزيراعظم ۽ پرڏيهي وزير کي اسپين جي دوري جي دعوت پڻ ڏني.
