تهران-18 ڊسمبر(اي پي پي) ايران جي صدر مسعود پيز شڪيان وڏن مسلم ملڪن جي گروپ ڊي-08 جي سربراهي اجلاس ۾ شرڪت لاءِ 19 ڊسمبر تي مصر پهچندو. پرڏيهي ميڊيا موجب ايراني پرڏيهي وزير جي ترجمان اسماعيل بقائي جي حوالي سان ٻڌايو ته صدر مسعود پيز شڪيان اڄ مصر ۾ وڏن مسلم ملڪن جي سربراهي اجلاس ۾ شرڪت ڪندو. وڏي عرصي بعد ڪو ايراني صدر مصر جو پهريون دورو ڪري رهيو آهي. مصر ڊي- 08 جي سربراهي اجلاس جي ميزباني ڪري رهيو آهي جنهن ۾ بنگلاديش، انڊونيشيا، ملائيشيا، نائيجيريا ۽ ترڪيه به شامل آهن.
